Gjykata e Apelit ka refuzuar kërkesën e mbrojtësve të 30 të dyshuarve në rastin e Karaçevës për lirim nga paraburgimi.
Siç njofton gjykata, vendimi i Gjykatës Themelore për paraburgim të 30 të dyshuarve mbetet në fuqi deri më 17 dhe 18 tetor.
“Gjykata e Apelit i ka refuzuar si të pa bazuara, me 02.10.2020, ankesat e avokatëve mbrojtës, kundër caktimit të masës së paraburgimit prej një muaji, ndaj 30 të pandehurve. Aktvendimi i Gjykatës Themelore në Gjilan, i datës 20. 09.2020, më anë të secilit të pandehurit F.L dhe 29 të tjerëve, iu është caktuar masa e paraburgimit, deri më datën 17 përkatësisht 18 tetor, ka mbetur në fuqi”, thuhet në njoftim, raporton arbresh.info.
Gjykata e Apelit vlerësoi se meqenëse ekziston dyshimi i bazuar se të pandehurit i kanë kryer veprat penale për të cilat po dyshohen, ka bazë ligjore, për caktimin e kësaj mase, ngase ekzistojnë arsye të forta për të besuar, se me gjetjen e tyre në liri, ata do të mund të ndikojnë në prova apo dëshmitarë dhe këtë formë, të pengojnë rrjedhën normale të procedurës penale, ose mund ta përsërisin veprën penale. Gjykata i ka shqyrtuar konform ligjit edhe masat tjera të cilat i parasheh Kodi i Procedurës Penale, por ka konstatuar se ato nuk janë të mjaftueshme për zbatimin me sukses të procedurës penale”, bënë të ditur gjykata në njoftim.
Sipas prokurorisë, i pandehuri F.L. po dyshohet se ka kryer veprat penale ‘’Kontrabandimi me mallra’’ dhe ‘’Organizimi i skemave piramidale dhe bixhozit të paligjshëm’’ nga Kodit Penal i Republikës së Kosovës (KPRK). Të pandehurit H.K., S.K., I.S., F.K., A.K., F.Z., R.TH., S.G., S.N., S.M.., Z.A. D.S., A.Th., A.S., B.S., F.S., A.S., N.K., S.D., B.S, F.S., Sh.S., E.K., F.S. dhe V.S. po dyshohen për veprën penale ‘’Kontrabandimi me mallra’’, të KPRK-së. Ndërsa, të pandehurit Y.F., RR.G., N.Ç. dhe L.G., për veprën penale ‘’Organizimi i skemave piramidale dhe bixhozit të paligjshëm’’, të KPRK-së./arbresh.info
Omega 3 cilat janë format më të përhapura dhe më të sigurta
Humb jetën një 36-vjeçar në Shkodër
Elita 5 dhe Aurela Gaçe shtojnë ngjyrat e spektaklit në Fest...
Vriten pesë ushtarë izraelitë gjatë luftimeve në Liban
E pamundur për Real Madridin ta mbajë Gulerin: Dy gjigantët ...
Deputetja e LDK-së: Takimi trepalësh për dialogun Kosovë-Ser...